అనంత పద్మనాభస్వామి
దేవాలయం అడుగున
ఆరు గదులే
దేహ దేవాలయం లో
అనంతమయున
గదులు
దేహం గదుల
తాళం చెవులు
మనసు లోతుల్లో
పడిపోయాయు
కాపలా కాస్తున్న
వెన్నుపాము
మనసు
పడగ విప్పి
గదుల మధ్య
గోడల చెవుల్లో
గుస గుసలు
బుసగా వినిపిస్తూ
భయపెడుతూనే వుంది
అన్నీ
తొమ్మిది కిటికీల గదులే
ద్వారాలే మూతబడి వున్నాయు
సాలె గూళ్ళూ
బొద్దింకలు
ఎలుకలూ
పందికొక్కులూ
గబ్బిళాలూ
కాపురాలు వెలగబెడుతున్నాయు
గదుల్లో బందించబడ్డ చీకటి
ఆత్మహత్య చేసుకోడం
చేతకాక
కిటికీలు తెరవబడ్డప్పుడల్లా
వెలుగును తాగి
మత్తుగా నిద్దుర పోతుంది
గదులను తెరిచే
రహశ్యం వున్న గది
ద్వారాలు తెరుచుకోనే వుంది
ఆ గది ఆచూకీ
ఓ పెద్ద రహశ్యం
ఆ రహశ్యం తెలిసిన వాడు
మోదట తెరిచిన గదిలోనే
జీవితం సరిపోక
అందులో జ్నానం తోనే
వెలిగి వెలుగులిస్తుంటాడూ
ఏగది
మొదట
ఎవడు తెరుస్తాడో ?
ఏ దేహం లో
ఏగది తెరుచుకొంటుందో ?
గదులు తెరుచుకొంటున్న శబ్దాలు
జ్నానాన్ని వేల రెట్ల వేగం తో
వీచేలా చేస్తున్నాయు
దేహం గదిలో దాచిన విశ్య రహశ్యం
నేడో రేపో విడుదల అవ్వవచ్చు
కా
నీ
విశ్వబజారులో
నిలుచున్న మనిషి
వుండేందుకు
ఏ ఒక్క గదీ లేదు !
గదిలోపల గదులు
విశ్వం వెలుపల విశ్వాలు
ఎదురెదురుగా వున్న
దర్పణాల్లో దృశ్యాలుగా
అందని అంతుబట్టని తనాన్ని
మొహం మీద చల్లి
మళ్ళీ వెతుకులాటకు
శ్రీకారం చుడుతూనే వున్నాయు
కామెంట్‌లు లేవు:
కామెంట్‌ను పోస్ట్ చేయండి