పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

31, జులై 2012, మంగళవారం

హరికృష్ణ మామిడి॥మౌన గానం॥


కళ్ళ బాసని
తర్జుమా చేయడంలో
ఓ ఆనందం ఉంది..

ధ్వని చూపులకు
స్పందించడం లో
ఓ సంభ్రమం ఉంది..

స్పర్శల భాషకి
లిపి కనుక్కోవడం లో
ఓ ఆశ్చర్యం ఉంది..

పెదాల మాటలకు
స్వరాలను అల్లడం లో
ఓ విస్మయం ఉంది..

మనసు పరిమలాలకు
దేహ శిల్పాన్నివ్వడంలో
ఓ అద్భుతం ఉంది..

నీకూ నాకూ మధ్య ఉన్న నిశ్శబ్దం లో
నా గుండె సవ్వడిని
నువ్వు అనువాదం చేయడంలో
ఓ విచిత్రం ఉంది..

ప్రియా,
నీ మౌనాన్ని సైతం
అర్ధం చేసుకోవడం లో
నా ప్రేమ ఉంది..
*31.7.2012

కామెంట్‌లు లేవు:

కామెంట్‌ను పోస్ట్ చేయండి