Sateesh Namavarapu కవిత

***జ్ఞాపకాలు*** అగ్నికీలలై దహిస్తూ కొన్ని, ఆగని వరదై తడిపేస్తూ మరి కొన్ని! మనసు మండిస్తూ కొన్ని, మనసు పండిస్తూ మరి కొన్ని.! పరవశింపజేస్తూ కొన్ని, పరిహసింపజేస్తూ మరి కొన్ని.! తగిన వ్యాపకం లేకుంటే..శక్తి పెంచుకుంటూ కొన్ని, తగ్గిన శక్తితో..మెదడు బూడిదలో కప్పబడుతూ మరి కొన్ని.! దెబ్బ తగిలితే మరుగున పడేవి కొన్ని, గత జన్మల్లోనుండీ బయటపడేవి మరి కొన్ని.! కాలక్షేపం నెమరువేతకు కొన్ని, కాణీ ఖర్చు లేని వినోదాన్నిచ్చేవి మరి కొన్ని.! ఉబుసుపోక ముసురుతూ కొన్ని, ఉసురు తీసేలా కసురుతూ మరి కొన్ని.! ఉరుముల్లా ఉరుముతూ..భయపెడుతూ కొన్ని, మెరుపుల్లా మెరుస్తూ..మురిపిస్తూ మరికొన్ని..!!..08MAR2014.

by Sateesh Namavarapu



from kavi sangamam*కవి సంగమం*(Poetry ) http://ift.tt/1dB4BjR

Posted by Katta