మౌనం నా సంభాషణ
ఏకాంతం నా అన్వేషణ
నీవు చూసినప్పుడు చిరునవ్వయినా
బదులివ్వలేదని నొచ్చుకోకు..
అలా అర్థం కాకుండా ఉండటమే నా తత్వం
ఎన్నో సమయల్లో వ్యక్తం కాకపోవడమే నా నైజం
నామమాత్రమైన స్పందించనందుకు
నాలో ప్రేమలు లేవని అనుకోకు
సాగరమంతా ప్రేమను దాచుకొని కూడా
బయటపడకపోవడమే నా తీరు
గంభీరత నా లక్షణం
మగాడు నా పేరు
కఠినంగా.. కరుకుగా ఉండటమే
ఎన్నో కష్టాలను పంటి బిగువున భరించడమే
గుండె తడులను దాచుకొని
ఆవేశాన్ని ప్రదర్శించడమే
నాలో నాకు నిర్వచనం
అలాగే
కఠినుడిలా కనిపిస్తాను
కన్నీళ్లను దిగమింగుకొని
బాధను అణచుకొని
ఇతరులను అనునయిస్తాను
ఏ ఓదార్పూ ఆశించకుండా
కామెంట్‌లు లేవు:
కామెంట్‌ను పోస్ట్ చేయండి