ఎక్కడికి పోతాయి
ఆ పాదాలు
ఇక్కడే తచ్చడుతుంటాయి
రంగులు మారుతున్న లోకంలో
మనసున కమ్మిన ఆత్రాల మద్య
పాదాలను గుర్తించడం కష్టమై పోవచ్చు
యశోద మనసుతో
మొలకు నీవుకట్టిన తాడుముడి విడిపోయిందనుకుంటావు
గోరుముద్దలు వెన్నముద్దలు
పాలమీగడలు
దాచివుంచావని తెయదంటావా?
నీవిచ్చిన ముద్దులతో
ఆ దేహం ఎంతగా వన్నెదేరిందో
వలచిన కన్నెల నడుగు
బుడి బుడి అడుగుల్లో మువ్వల చప్పుళ్ళు
ఇంకా ధ్వనిస్తూనే వున్నాయి
లాలిపాటల మాధుర్యాన్ని విని
నిదురించిన కనులు
ఇక్కడే చూపు నిలుపుతాయి
ఇన్ని విడిచి
ఎక్కడికి పోతాయి
ఆ పాదాలు
ఇక్కడే తచ్చడుతుంటాయి
*10-08-2012
కామెంట్‌లు లేవు:
కామెంట్‌ను పోస్ట్ చేయండి