పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

11, ఆగస్టు 2012, శనివారం

జగతి జగద్దాత్రి || ధ్యానం ||


ఒంటరిగా ఉండాలని ఉంది
నిశ్సబ్దంగా ....
గుండె సడి కూడా వినిపించనంత
మౌనంగా .....
మాటలాడుతున్నా ..
మనసు మాత్రం ఎక్కడో
దూర తీరలలోకి
చూపు సారిస్తూ ....ఏదో ఏమిటో వెతుక్కుంటోంది ...
అన్వేషణ దేని కోసమని చెప్పలేను
......................................

మాటాడాలనీ ఉంది....
అందరిలా నేనూ ఎందుకు ఉండలేకపోతున్నా
అనుకునేదాన్ని
ఏమో ఈ ఆత్మ తెరుచుకుని
అంతర్ముఖమైన శోధనకి
ప్రేరేపించ బాడ్డానేమో..అతి త్వరగా
ఏమో ఎందుకు, నిజమే ఇది
అనుభవైక వేద్యాన్ని కాదనరాదు కదా
ఎన్నెన్ని ఛిద్రాలో ఈ చిన్ని గుండెకి
మొదటిలో ఎన్నెన్ని ప్రకంపనలో
ఇప్పుడు అలవాటయి పోయాయి ...
ఇక ఇప్పుడు చివికి పోతున్న
దేహంతో ....ఇంకా ఎవరి కోసం
దేని కోసమీ తపన
ఈ తిరుగు బాటు
ఈ ప్రయత్నం ...
నాకోసం అవును .....నాకోసమే
అందరికీ కావాల్సిన నేను నాకు
ఎందుకక్కర్లేకుండా పోయాను
ఈ దేహాన్నీ...
మానసాన్నీ .....ఎంత క్షోభ పెట్టాను
ఎందరి కోసం ...ఎందుకు
ప్రేమ కోసం ....నాకు అందని ప్రేమ
మరొకరికి చెందకుండా పోతుందేమో అని
మెప్పు కోసమూ కాదు
కానీ ప్రేమ తప్పు కాదు అని
చెప్తో .....నాలాగా
అవసాన దశలో
కళ్ళు తెరిచినా ప్రయోజనం ఉండదు సుమా
అంటూ చెప్తూ.....
ఆలస్యం అమృతము కాదు
భయం బాధాకరమైన విషం
కోరుకున్న ...మనసు పూజించే
అనురాగానికి అన్యాయం చెయ్యద్దని ....
ప్రతి హృదయాన్నీ వేడు కుంటూ .......



*10-08-2012

కామెంట్‌లు లేవు:

కామెంట్‌ను పోస్ట్ చేయండి