"నీ" ||సెప్టెంబర్-5,జీవితం"||

"ఒక మాట
పదే పదే అదే పనిగా
వెంటాడుతోంది

కొంతసేపటికి
వంతెనను దాటే లోపే..
నేనొక మౌన మహా సముద్రమయి
మీరు నేర్పిన భాషలోని
ఏ "ఒక్క మాటనూ" నా గొంతు
పెకిలించనంటోంది..!!

మీ ఊహాల్ని నా మౌనం ధ్వంసం చేస్తూ
కన్న కలల్ని సమూలంగా కూలుస్తుంది..!!

ఏమైందన్న ..ప్రశ్నను
నా తాడిగొంతు
సమాధాన పరచలేని క్షణంలో..
మీరిక వాస్తవాన్ని అంచనావేసి....

"విఫలమైన ప్రయోగం ముందు నిలబడ్డ
శాస్త్రజ్ఞుడి లా నా బాధను మీ గొంతులోకొంపుకుని
అక్షరాల్ని దిద్దించినమీకు జీవితాన్ని దిద్దే శక్తి లేదన్న
ఆలోచనలో పడిపోవచ్చు..!!

నేనిక్కడే

శిధిలమైన రాత్రిలో ఫిడేలు వాయిస్తూ
వొంటరి ప్రవాహంలో గల్లంతావ్వొచ్చు!

నా మరణం ఒక వార్తయి మీ ముంగిట్లో ఎక్కిళ్ళు పెట్టొచ్చు......!
 
05-09-2012