Santosh Kumar K కవిత

||నాన్నా..|| నాన్నా!! నేను అంటే నువ్వే నా నవ్వుకి కారణం నువ్వే నా ఆశకి అండవి నువ్వే నా నడకకి ఊతం నువ్వే నా విజయానికి ఆది నువ్వే నా వెనకుండి నడిపేది నువ్వే నాలోని నమ్మకం నువ్వే నాకున్న బలం నువ్వే నా మొదటి స్పూర్థివి నువ్వే నా ప్రాణ స్నేహితుడవి నువ్వే నా గణించలేని ఆస్తివి నువ్వే నా భరోసా ధీమా నువ్వే నా భయానికి ధైర్యం నువ్వే నాకున్న పెద్ద వరం నువ్వే నాన్న... నువ్వే!! ఆ దేవుని కోరిక కోరాల్సిన అవసరమెక్కడుంది?? నా కన్నా ముందే నిన్ను నాకోసం పంపాడు నా సుఖం కోసం నిన్ను ఇబ్బంది పెడతాడు నా అవసరాలకోసం నీతో పని చేయిస్తాడు నా ఆనందంకోసం నీకు దుఃఖాన్ని ఇస్తాడు నా కష్టాల్లో నాకు కాక నీకు కన్నీరిస్తాడు నా అనారోగ్యంలో నిన్ను పస్తులుంచుతాడు నా ఎదుగుదలలో నీకు అలసటనిస్తాడు నా సత్ఫలితాలకోసం నిన్ను పరీక్షిస్తాడు నా వినోదంకోసం నిన్ను వేడుకోమంటాడు నా ప్రతి ప్రశ్నకి ఒకే సమాధానంగా నిన్ను చూపిస్తాడు నాన్నా.. నీకన్నా గొప్ప వరాన్ని ఇంకేం ఇవ్వగలడు ఆ దేవుడు!! గమనిక: నిన్న ఫాదర్స్ డే సందర్బంగా రాసిన వచనం ఇది :) #సంతోషహేలి 16JUN14

by Santosh Kumar K



from kavi sangamam*కవి సంగమం*(Poetry ) http://ift.tt/1qUAb0A

Posted by Katta