Swatee Sripada కవిత

ఎక్కడి గాలి ఇది 1. ఎక్కడి మేఘమో ఒకటి తారట్లాడుతూ చుట్టపు చూపుగా వచ్చి చుట్టూ చుట్టూ తిరుగుతూ నాలుగు నీటి చుక్కలుగా కరిగి పలకరింత జల్లుగా కిటికీ పక్కన కూనిరాగమై గుండె తడిమి పరిమళాలు రాలుస్తూ ..... చినుకు చినుకునా ఒదిగి పొదిగిన తలపుల రవ్వలు సంకీర్ణమైన సమయాలను వెయ్యి ముఖాలతో వికర్ణీకరిస్తూ ... చూపులు హరివిల్లులై............. పెదవులపై పాకే ఊహై విరగబూసిన కాశీ రత్నం తీగలా ... 2. నీళ్ళల్లో కాళ్ళాడిస్తూ ప్రవాహాన్ని బేరీజు వేసుకుంటున్న స్వప్నాలు గాలివాటుకే జలజల మంటూ రాలిపడే పున్నాగల మెత్తని సవ్వడి అక్షరాలనూ పెదవి దాటని అలవోక రాయభారాలనూ పెనవేసుకొన్న రాధామనోహరాల సుతి మెత్తని సుగంధం మళ్ళీ ఓ పులకరి౦తగా ........... ౩. ఎప్పుడూ అంతే రెండడుగులు ము౦దుకు ‘ మూడడుగులు వెనక్కు ‘’ గుడు గుడు గు౦చా లాడుతూ ఉనికి

by Swatee Sripada



from kavi sangamam*కవి సంగమం*(Poetry ) http://ift.tt/1mKtbCX

Posted by Katta