Nvmvarma Kalidindi కవిత

కె.ఎన్.వి.ఎం.వర్మ//పరిష్వంగనం// కొన్ని నిశబ్దాలు తరుముతాయి ఏకాంతంలో మరీను ఏకాంతమంటే నువ్వు లేవని కాదు నువ్వుండగానే నీలోకి నేనుండగానే నాలోకి కొన్ని శబ్దాలు ఉక్కిరిబిక్కిరి చేస్తాయి నువ్వుండగానే ఏరి కోరి నువ్వు మాట్లాడకుండానే నానుంచి నాలోకి నీనుంచి నీలోకి అకస్మాత్తుగా ఒకేసారి మనమిద్దరం మాట్లాడటం మొదలుపెడతాం ఒకేసారి ఆపేసి నువ్వుముందంటే నువ్వుముందని ఒట్టు పెట్టుకుంటాం, నవ్వుతో బెట్టు వీడి బెంగటిల్లిన మనసుకు వసంతం వస్తుంది నిశబ్దాలు, శబ్దాల నడుమ ఒక్కటై గడ్డకట్టుకుపోయిన రెండు శరీరాలు ఒదిగిన ఎదల మద్య వార్పుకు ముందు ఎసరులో అన్నం ఉడుకుతున్న వాసన....31.03.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/OaUWGT

Posted by Katta