Nirmalarani Thota కవిత

పెదాల పలుకులలో హృదయ స్పందనలను చిత్రాలేసి చూపుతుంటా . . నులిపడే మస్తిష్కపు భావనలను అర్ధం లేని అనువాదాల్లో కాగితాలపై ఆవిష్కరిస్తుంటా ! అంతరాళలోని ఉత్సాహపు వెల్లువకు చెలియలి కట్టలై . . తడిసి ఆరిన ధరణిలో నా ఇష్టాన్ని కురిసి వెలిసిన నింగిలో ఆర్ధ్రమైన మనసునూ ఉరిమి చెదిరిన మబ్బులో వేదననూ . . అక్షరాల రూపంలో చెక్కుతుంటా . . శూన్యాలను దాటి నక్షత్రాలను చేరలేని ఈ ఆంతర్యాలు తిరిగి నాకే వినిపించే ప్రతిధ్వనులైతే ఉన్మాదిలా జీవిస్తుంటా . . ! నిర్మలారాణి తోట [ తేది: 14.03.2014 ]

by Nirmalarani Thota



from kavi sangamam*కవి సంగమం*(Poetry ) http://ift.tt/1fFsCHP

Posted by Katta