Krishna Mani కవిత

అలసిన చూపులు ****************** నూనె స్తంభ దీపాల వెలుగుల జాతరలో మురిసిన జీవులు కరెంటు తీగల జిలుగుల తోడుగ యంత్రాల ఉప్పెనలో తడిసి నవ నాగరిక నిర్మాణానికి పాదులు నింపి అలసిన బొక్కల ఒంగిన నడుములు ! మొఖాన కనిపించే రాతలెన్నో ? జరిగిన కథలకు సాక్షలెన్నో? ఆ మడతల అడుగున దాగిన ముత్యాలెన్నో? చేతి కర్రతో చెలిమిని చేస్తూ కనపడని వినబడని లోకంతో పలకరింపుకై వింత దిక్కులు చెక్కిలి తడిమిన ప్రేమలు చూపు కానక రాలిన చినుకులు పొరల కోతకు నిలబడు ఆశా చీమలెన్నో? కదలని తనవున చూపుకై అరాటమాడు పెగులెన్నో? మరిగిన రక్తం చల్లారిన దినమున బిడ్డల ప్రేమను పొందని గడపల కాసాయి కడుపున కన్నానేందుకని ఒంటరి అరణ్య రోదనలెన్నో ఎన్నో ...ఎన్నో ! ప్రేమకు అనాధలై అరాటపడు అభాగ్యుల నోరుమెదపని ముసలితనపు కన్నీరులెన్నో... ఎన్నో....ఎన్నో ! కొంగుచాటు కొడుకుల చూపుకు కానని యదలో మండు అగ్నిగోళాలెన్నో ...ఎన్నో ...ఎన్నో ! కడుపుకు గంజిలేక విల విలలాడి తేలిన బొక్కల అలసిన గుండెలెన్నో ... ఎన్నో ... ఎన్నో ! కృష్ణ మణి I 11-03-2014

by Krishna Mani



from kavi sangamam*కవి సంగమం*(Poetry ) http://ift.tt/1lsslIN

Posted by Katta