Sky Baaba కవిత

గుజ్రా ````` నా వెనుకటి తరాల కొనసాగింపుకి మాతృక ఆమె ఆ గాడిలోనే కదుల్తుంటే నిశ్చింతల అలౌతుంది కంటి కొస తప్పినా ఏ కొత్త పాదం విప్పినా గుబులు దిగులైపోయి నన్నామె ప్రేమైక ఉచ్చులా అల్లుకుపోతుంటుంది ఏ ముగుతాళ్ళూ మోయలేని అసహాయుణ్ణి ఏ మాధుర్యపు కౌగిలింతల్నైనా విదిల్చేసే క్రూరుణ్ణే ఏ అంతరాల అభ్యంతరాల గోడా నన్ను నిలువరించలేదు కలకెత్తుకున్న ఆమె ఏ ఆశనూ నిజం చెయ్యలేను నా అవిశ్వాస నిర్భయత్వమూ తన విశ్వాసాల విలువల పిరికితనమూ ఘర్షణ పడే ప్రతీ - ఘటనా మా గుండె లయల మధ్య దూరాన్ని పెంచుతోంది ఏడవ శతాబ్దాల కమాన్ అవతలే ఆగిపొయ్యావంటే అర్థం కాని అజ్ఞానందే కావొచ్చు వెనుకబాటుతనం కూడా అల్లాకా దేన్ హై అని నమ్మే అమాయకందే కావొచ్చు ఆమె ప్రేమ జలపాతపు తడి ఎన్నటికీ ఆరేది కాకున్నా చిటికెన వేలొదిలి చూపుడు వేలెత్తుతున్నవాణ్ణి భావదైన్యంతో తనెంత నిలువరించబోయినా ఏ నిర్ణీత కక్ష్యలోనూ ఇక తిరగలేను ఆ గురుత్వాకర్షణలోంచి బయటపడ్డవాణ్ణి ఎంత స్వచ్ఛమైనా సరే - మతమూ అమ్మా ప్రియురాలూ... ... !

by Sky Baaba



from kavi sangamam*కవి సంగమం*(Poetry ) http://ift.tt/1ocMOXw

Posted by Katta