Sri Modugu కవిత

శ్రీ మోదుగు // టెంపరరీ అవేర్నెస్ // కొన్ని నవ్వులో పువ్వులో పంచుకుందామని వస్తానా ఉన్నవో లేవో అర్ధంకాని మౌనంలో మరలా కాలానికి ఒదిలేసి ఒక అశాంతి నిశ్చలంలో ఒదిగిపోతా గుచ్చుకొనే ముళ్ళని ఎలా తప్పించుకోవాలో గుచ్చుకున్నవాటిని ఎలా తీసుకోవాలో తెలియని అర్ధరహితమైన స్థితిలో మిగిలిపోతా వాదాలు ప్రతివాదాలు అన్నీ శబ్దకాలుష్యాలే ఇక ఎరుకవుతుంది కారణాలులేని ప్రేమలు, అంతులేని దుఖాలు , మన్నించలేని మనసులు, ప్రేమించలేని మనుషులు , స్వప్నించలేని హృదయాలు, పుష్పించలేని మొగ్గలు గూడు మరిచిన పిల్లలు, శాశ్వితమైన మరణాలు అన్నీ ప్రకృతి సూత్రాలని …… Date:23/05/2014

by Sri Modugu



from kavi sangamam*కవి సంగమం*(Poetry ) http://ift.tt/1oetqIM

Posted by Katta