Maheswari Goldy కవిత

|| చె లి ని రీ క్ష ణ || మహేశ్వరి గోల్డి ప్రాణమా....!! మౌనంగా పరిఢవిల్లిన మన ప్రేమకు చిహ్నంగా నవ లావణ్య సుమ చామంతి వనమున ఓ వరూధినిలా ఎన్ని మధుమాసములు అయినా తరగని మధుర దరహాసంతో భాషెరుగని మమతల సౌధమున ప్రణవాక్షర పత్రికలపై నే రాస్తున్నా ఓ ప్రణయ సందేశం...!! ముత్యాల ముక్కెర అలంకరించుకుని ఓ ముగ్ధరాలు మేనక నర్తించిన నట సౌధంలో చిరునగవుల అపరంజిలా శివరంజనీ రాగం శృతి చేస్తూ...........!! మన ప్రణయ సందేశాల సారాంశాలను సరిగమల సాక్షిగా మహతీ లతల పై శ్రావ్యంగా నవీకరిస్తుంటే......!! అమృతాల దివిలో నిను వలచిన నిహారిక మాత్రం నీ కవితా భాష్యపు నీరాజనాలకై వెన్నెల సాక్షిగా సజీవ దరహాసంతో నిరీక్షిస్తూనే ఉన్నది....!! 24/05/2014

by Maheswari Goldy



from kavi sangamam*కవి సంగమం*(Poetry ) http://ift.tt/1nEw7Q4

Posted by Katta