Abd Wahed కవిత

జలతారుల పరదాలుగ కనుపాపల తడిచూపు దొరకదెక్కడా ఇల్లునొదిలి వెళ్ళిపోతె నీ నీడకు నీ రూపు దొరకదెక్కడా నడినెత్తిన ఎండవేడి నిలువెత్తున నీ ఉనికి నీరవుతుంటే నీలికురుల గొడుగనీడ ఆ చల్లని చెలివలపు దొరకదెక్కడా కంటి నుంచి జాలువారే నీటి బిందు పొగమంచు కాదు కాదుగా బతుకు బీడు పడనీయకు అనురాగపు వరి నారు దొరకదెక్కడా కునుకుపడని కళ్ళతోటి కలలవెంట పరుగులను మానకపోతే కనురెప్పలు నడుంవాల్చి విశ్రమించే చిరు పరుపు దొరకదెక్కడా చిరునవ్వుల హాయినొదిలి భ్రమల గాలి పటమెక్కి ఎగురుతుఉంటే నేల పైన నిల్చున్నది, దియా మనకు, మన ఇల్లు దొరకదెక్కడా

by Abd Wahed



from kavi sangamam*కవి సంగమం*(Poetry ) http://ift.tt/1t3m1ts

Posted by Katta