Chand Usman కవిత

చాంద్ || ఎవరన్నారు..? || ఎవరన్నారు గుండెలు నిండా నువ్వే ఉన్నావని ******* నేనే అనివుంటాను నీ వెన్నెల నాలో నిండిన రాత్రి నా బదులు నువ్వు వెలుగుతున్నపుడో నువ్వు నా రక్తంలో కలిసి మత్తుగా ఒక బలహీనతవై ఆవహించిన అమావాస్య నాడో బహుశా అనివుంటాను అయినా నువ్వు నమ్మకు ఆత్మ చెప్పని సంగతులను ******* ఈ గుండెల్లో నువ్వు కాక చాలా ఉన్నాయి అవి నా నుండి ఉద్భవించిన నా ప్రతిరూపాలు నా రక్తం, నా ఆత్మ .. అదే "నేను" దయచేసి ఇలా ఎప్పటికీ అడగకు వాటి శవాల మీద నీతో శయనించమని ******* రేయి అస్తిత్వం ఈ చీకటి వెన్నెల కురిసిందని రేయి పగలవ్వదు నీ రక్తం నాలో, నా రక్తం నీలో ప్రవహించనపుడు గుండెలునిండా నువ్వే ఉండాలనుకోవడం.. బానిసత్వమే కదూ మీ చాంద్ || 24.05.2014 ||

by Chand Usman



from kavi sangamam*కవి సంగమం*(Poetry ) http://ift.tt/1hjtXS3

Posted by Katta