Sai Padma కవిత

సాయి పద్మ //.......................... నాదీ అనబడే పెద్ద ఆశలేం పెట్టుకోలేదిక్కడ కాటి దాకా కంట నీరై తిరగాలని కూడా లేదు కొత్తనీరు, పాతచావు రెండూ సమానమే అయ్యాయి జీవితమంతా చిటికెడు ప్రేమ కోసం తపించే స్త్రీలు అణచివేతని ఆరుగజాల చీరలా చుట్టిన పడతులు గుప్పెడు బూడిదయ్యే విషయంలో కూడా అసమానతల్ని... అధికారాన్ని రోజువారీ వంటలా ..కర్మ సిద్ధాంతపు మంటలా సమాధాన పడటం చూస్తే నిస్సహాయితని , అది పెంచే సంస్కృతి నీ నిద్ర లేపి మరీ ,మళ్ళీ చంపాలనిపిస్తోంది .. ఈ కవితకి క్రాఫ్ట్ లేదు ... ఐచ్చిక జైలు ముంగిట్లో కళ్ళాపి జల్లే ఆడవాళ్ళని ప్రేమించే నాకు బుద్ధి లేదు ..!! --సాయి పద్మ

by Sai Padma



from kavi sangamam*కవి సంగమం*(Poetry ) http://ift.tt/1bVgk8N

Posted by Katta