బాలసుధాకర్ మౌళి కవిత

Dictator దేన్నీ కాదనం- వస్తువులను పొందిగ్గా మనం అలమరాల్లో అమర్చుకుంటుంటాం ముద్దుగా వుందని పింగాణి చెవులపిల్లిని టేబుల్ మీద పెట్టుకుంటాం రబ్బరు కుక్కపిల్లని టీపాయ్ మీద కూర్చోనిస్తాం గోడల మీద ఫెలికాన్ సీతాకోకలనూ టీ.వీల మీద ప్లాస్టిక్ పూలనూ ఎగరేస్తాం ముచ్చటపడతాం హొయలుపోతాం మూతి మూడు వంకరలు చేసి తిప్పుతాం పసిలోకాలన్నింటినీ సరాసరి మార్కెట్ నుంచే దిగుమతి చేసుకుంటాం పసిహృదయాలనూ ఆటబొమ్మల్లోనే చివరకు ఆటబొమ్మల్లోనే వెతుక్కుంటాం Break out మనుషులను Dictate చేస్తున్న కాలం మనుషులను వస్తువులుగా వస్తువులను మనుషులుగా Dramatic చేస్తున్న కాలం సింహంజూలుకాలం నాగుపాముకాలం గదుల్నిండా, అలమరాల్నిండా పేరుకుపోయి దుమ్ముపట్టిన జెర్రిగొడ్డుకాలం మనుషులపై వస్తువులు దండయాత్ర చేసే తేలుకొండెకాలం వస్తువులే సర్వస్వం మనుషులు శూన్యం - మనుషులే శూన్యం నియంతలు ఎక్కడో లేరు మన చుట్టూ మన ఆలోచనల్లోనూ సర్వ వింధ్వంసకర పేలుడు పదార్థాలతో వ్యాపిస్తున్న పుట్టపగిలిన కాలమే- కాలమొక పెద్ద నియంత కాలం చేతిలో తోలుబొమ్మ ఆలోచనొక నియంత నియంతలు కూలాలి నియంతల పీఠాలూ కూలాలి నియంతల్ని తయారుచేస్తున్న పెద్దపులి కుట్రలూ కూలాలి Press the trigger భ్రమల్నీ, భ్రమల గోడల్నీ, కుళ్లిన మస్తిష్కాలనూ Shut down ! రచనా కాలం: 11-02-2014

by బాలసుధాకర్ మౌళి



from kavi sangamam*కవి సంగమం*(Poetry ) http://ift.tt/1iOSFMo

Posted by Katta