Kotha Anil Kumar కవిత

@ తొలి_తుది.. నీ తోనే @ నా గుండె గొంతు విప్పి పాడుకున్న తొలిపాట నీది. నా మనసు పరవశించి రాసుకున్న తొలి కవిత నీవు. నా కళ్ళు ఆత్రుత తో చూసిన తొలి రూపం నీది. నా హృదయం ఆశగా నింపుకున్న తొలి ఊహ నీది. నా పరిసరాలన్నీ ఉప్పొంగిన తొలి రాక నీదే. నా జీవితం తోడు కోసం చూసిన తొలి ఎదురు చూపు నీకై. నా శరీరం ప్రేమతో కోరుకున్న తొలి స్పర్శ నీది. చేజారి పోయే ఏకాంతానికి దొరికిన తొలి కౌగిలింత నీదే. సుదీర్గంగా సాగుతున్న నా శ్వాసలో తొలి నిట్టూర్పు నీతోనే. చిరకాలం సాగే ఈ పయనంలో నిరంతరం నా తోడుండేది నీవే నేను శ్వాసించినన్నాళ్ళు తుద వరకు ఉండేది నీతోనే. తొలి మొదలు నీ తోనే... తుది వరకు నీ తోనే. _కొత్త అనిల్ కుమార్ 19 / 6 / 2014 ( ప్రేమ కవిత_1999 )

by Kotha Anil Kumar



from kavi sangamam*కవి సంగమం*(Poetry ) http://ift.tt/1pnoqR8

Posted by Katta