Sriramoju Haragopal కవిత

తను వొచ్చే దారిలో... కంతల్లపడ్డ చూపులకు తగిలి శేరడుకొరిగిన కన్నీళ్ళయాదిని, కావులిచ్చుకుని అడిగింది కడప ఆమెతోని వాకిట్ల యాపశెట్టు ఆకులురాలిన ముచ్చట్లు వాడొస్తడా యాల్లకు, వాడిపొయ్యొస్తడా ఈ కాలానికి మునగదీసుకున్న ఆకాశం మబ్బుల్ని కప్పుకుంది ఎండపూట చలినెగళ్ళు దారి నిండా వూరేగింపు గోగుపూలు తానమాడి ఎర్రనీళ్ళు పోసుకున్నయి ఎవరికో వాగ్దానం చేసినట్లుంది వసంతం లేలేత చిగుళ్ళువాలిన చెట్లకొమ్మలు ఆమె నడిచిపోయిన తొవ్వనిండ నవ్వులమడుగులు పూతపిందెల మామిళ్ళలోగిళ్ళు రుతువు నవనవోన్మేషమంత ఆమె దోసిట్ల -హరగోపాల్ శ్రీరామోజు 05.03.14

by Sriramoju Haragopal



from kavi sangamam*కవి సంగమం*(Poetry ) http://ift.tt/1q7mUmb

Posted by Katta