Abd Wahed కవిత

చిరుగాలిల ఊహ ఒకటి వెన్ను చరిచి పోయిందీ కంటిలోని కలలవాన కురిసి కురిసి పోయిందీ మరణించిన నిన్నలోన, బతికి ఉన్న నేటిలోన మొలకెత్తని రేపు కూడ సైగ చేసి పోయిందీ చేయిపట్టి నడిపించే నీడకూడ చీకటిలో మంచులాగ కరిగి కరిగి నన్ను వదిలిపోయిందీ అంతరంగ గగనంలో మబ్బులాంటి భావమేదో చినుకులాగ నేలపడి మదిలో ఇంకి పోయిందీ ఎండలోన చెట్టునీడ విశ్రాంతిగా నిదురిస్తే యుద్ధాశ్వం బతుకు కూడా గడ్డిమేసి పోయిందీ సెలయేటికి ఎదురీదే చిరుచేపల కరవాలం మెరుపు చూసి దియా, మేను పులకరించి పోయిందీ

by Abd Wahed



from kavi sangamam*కవి సంగమం*(Poetry ) http://ift.tt/1q7mRXr

Posted by Katta