Kodanda Rao కవిత

ప్రేమికుల రోజు సందర్భంగా, ప్రపంచం మొత్తం ప్రేమతో నిండిపోవాలన్న స్వార్ధంతో... నేను రాసిన ఒక గజల్. కె.కె.// ప్రేమ-గజల్// *************** కాదని అనగలనా...తనప్రేమే నడిపిస్తోందంటే, కాదని అనగలనా... ఎడబాటే వేధిస్తోందంటే చెంతలేకున్నా, వలపు సంకెలేసిందేమో, కాదని అనగలనా... చెలిరూపం ఛేదిస్తోందంటే ఏ మంత్రమున్నదో ఏమో... మతిపోయి తిరుగుతున్నాలే, కాదని అనగలనా... చిరునవ్వే ఆడిస్తోందంటే కొమ్మలూగుతున్నా, పలకరింపు లాగున్నాదే కాదని అనగలనా... చెలిఊహే లాలిస్తోందంటే గుండె సవ్వడైనా, కొండ పేల్చినట్టుందే, కాదని అనగలనా... తన మౌనం కాలుస్తోందంటే ఎదురుచూపులెన్నున్నా, గెలుపుంది 'కోదండ' కాదని అనగలనా... నీ విరహం సుఖమేనంటుంటే ============================= Date: 14.02.2014

by Kodanda Rao



from kavi sangamam*కవి సంగమం*(Poetry ) http://ift.tt/1jjTkVK

Posted by Katta