Abd Wahed కవిత

గాఢనిద్ర కనురెప్పను పలకరించి వెళ్ళింది కిటికీలో మబ్బుతునక పులకరించి వెళ్ళింది ఒంటిచెట్టు తలపాగా ఆకులన్నీ రాల్చేసీ జ్ఙాపకాల చిరుగాలి జలదరించి వెళ్ళింది కలల్లోన పెట్టుకున్న దీపంలా నవ్వుముఖం పగటిలోని రాత్రినంత తెల్లవార్చి వెళ్ళింది నల్లసిరా ఒలికినట్లు పెనుచీకటి వరదొచ్చీ పాతవెలుగు గోడలన్నీ కూలదోసి వెళ్ళింది గోడమీద వేలాడే బొమ్మల్లో అందాలను చెట్టుగాలి చేయిచాచి కావలించి వెళ్ళింది పడకమీద పరచుకున్న హాయిలాంటి దేహంలో దియా నేడు వయసుకూడ ఆవులించి వెళ్ళింది

by Abd Wahed



from kavi sangamam*కవి సంగమం*(Poetry ) http://ift.tt/1nGeAWw

Posted by Katta