చైతన్య...|| వింటున్నావా.... నా మాట! ||

"ఎన్నో ప్రత్యేకతలు నీ అడుగుల సవ్వడిలో,
మరెన్నో సందేహాలు నీ మౌనపు చూపులలో!
చురచుర చూపుల మాటున,
తెలియని కోపాలెన్నో!
తీయని నవ్వుల మాటున,
నా మనసెరిగిన మధురిమలెన్నో!
నే చూసిన కోణంలో నీ అందం అపురూపం!
నిదురించే వేళలలో మురిపించే అమాయకత్వం!
కవిలా నిను చేరుకొని,
కవితల్లే నిను శోధించనా!
శ్వాసై నీలో చేరి,
హృదయంలో కొలువుండనా!
ఆకలిదప్పులనెరుగని మంత్రము నాపై వేస్తే,
నిద్రలేని రాత్రులెన్నో నిటూరుస్తూ గడిపాను!
అలక మానేవేళ అచ్చెరువొందే రూపం!
చెంత చేరేవేళ పరిమళాల పన్నీటి వర్షం!
జీవితమంతా నీవై నావెంటే నువ్వుంటే,
నీది కాని మరోలోకం నాకెక్కడ వుంటుంది!"
9-9-12