కాంటేకార్ శ్రీకాంత్ // నీరు దాహం //

ఇప్పుడు చెప్పు
కొంటె గుట్టు కొంచెం కొంచెం విప్పు
ఎప్పుడూ మేల్కొని వుండే సమాజంపై పరదా కప్పు
నక్కినక్కి చూసే దొంగచూపుల రెప్పాలు దింపు
ఏవో రహస్యాలు వినేందుకు గోడలకున్న చెవులను మెలితిప్పు
తెచ్చుకో మరపు
లోకం పట్టని వెరపు
మన కలయికకు తెరలేపు
నీ హృదయ భావాలు నాలోకి వంపు
దాగిన నీ మనసును నాకు చూపు
అణచుకున్న కోరిక నాకు తెలుపు
మనిద్దరిది ఈ మాపు
నడచి రా నీకు నీవు విధించుకున్న సరిహద్దుల ఆవలి వైపు
రెక్కలు విచ్చుకున్న విహంగమై నీ కలల తీరం దరిదాపు
నేను నీరు
నీవు దాహం
నేను పవనం
నీవు పరిమళం
నేను వణికించే చలిని ి
నువ్వు భగభగలాడే సెగవు
ఐక్యమవుతున్న ఈ క్షణంఅమరతీరాన ఆనందనాట్యం