పెరుగు సుజనారాం || రేపటి బానిసలు ||

బతుకు చివరి క్షణం వరకూ తెలీదు
బానిసత్వపు సంకెళ్ళు
తెంపే దాకా తెలీదు
తెగింపు నిప్పు పుల్ల కొనలా
భగ్గుమంతుందనీ ....
విషాదాల్ని మొగిన్చినంతకాలం
తెలీనే లేదు
మనసు వేడెక్కినప్పుడు
కరచాలనం సైతం
ఇంత తీక్షణంగా ఉంటుందనీ ...
మా జాతి ఏక శక్తిగా పిడికెల్లెత్తితే
మీ అహంకారపు జాతి మొత్తం
అక్వేరియంలో
చేప పిల్లలై తిరుగుతాయనీ
మీ అత్యాచారాల
పై శాచిక నృత్యం ఆపేందుకు
ఆది శక్తిలా విరుచుకు పడితే
పిల్లి పిల్లలై మీరు నక్కి దాక్కుంటారు.
వయ్యారాలై మేము నడుస్తుంటే
మా కాలి మువ్వల దగ్గరే
మీరు వేలాడుతుంటారు.
మీకింకా తెలీదేమో
ఎగిసిపడే ఈ శక్తి తరంగం ముందు
రేపటి బానిసలంతా మీరేనని ?



*13-08-2012