ఆదూరి ఇన్నారెడ్డి॥ప్రియా-2||

ప్రియా 

ముత్యాల వాన జల్లులకోసం ఎదురుచూసే ధాత్రిలా
నీరాకకై శూన్యంలోకి చూస్తూ కూర్చునాను

నా మది పావురంలా రెక్కలుసాచి
ఆ పచ్చటి నేలలను నీలిమబ్బులను దాటి
అనంతమైన ఈ ప్రేమతాలూకు శూన్యంవైపు వడివడిగా అడుగులు వేస్తోంది

నాలో తడసి

ముద్దయిపోయిన ఈ ఆలోచనా తరంగాలను ఆపలేక
చీకటిదారులలో మగ్గిపోతున్న ఈ ఒంటరి నావని చూసి
ప్రియా

సీతాకోకచిలుకలాంటి నా ఆలోచనల్ని పరిహసిస్తూ
తన గర్భాన్ని చీల్చుకుని

చొచ్చుకు వచ్చిన జలతరంగాలతోపద్మవ్యూహాన్ని పన్ని 

నన్ను తన గర్భంలోకి తీసుకుపోతోంది

ప్రియా- నా చుట్టూ వ్యాపించిన 

ఈ జలనిశీధిలో అంతర్దానమౌతున్న నాకు
నీ స్మృతుల తరంగగోష తప్ప 

మరొకటి వినిపించడం లేదు
అనంతమైన ఆ సముద్రగర్భంలోకి చొచ్చుకుపోతున్నా ...

నీ జ్ఞాపకాలతో తడసి పులకించాలని 

మది ఆరాటపడుతోంది ప్రియా!!!

 

*4.8.2012