రఘు మందాటి కవిత

గమ్యం ఎరుగని తీరాల వెంట ఆలోచనల పరుగులు.

నిశిధం మాటున సేద తీరిన నిన్నటి జ్ఞాపకాలు.

క్షణ క్షణమొక యుగం మరుక్షణం ఒక యాగం.

నీ తలపుల మాటున మిగిలిపోయిన శ్వాసల ప్రకంపనలు.

నీ అధరాల కౌగిల్లో ఊపిరాడని నా నిశ్శబ్దం.

గరుకు గుండెలో మరుపురాని తీయ్యని గాయం చేసి

చెరిగిపోని గుర్తుని మిగిల్చి

మాయం కాని రాగాన్ని నింపి

మౌనాన్ని సైతం సతమతపెడుతూ

ఉక్కిరిబిక్కిరి చేస్తూ

కనులకు సైతం అందకుండా

ఊహకైనా చిక్కకుండా ఇంకా ఎంతకాలమి దోబూచులాట..

-నీ లాలనకై అలమటిస్తూ వేచి చూస్తూ పరితపిస్తూ..... నీ నేను.

*17-07-2012