పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

17, జులై 2012, మంగళవారం

జగతి జగద్దాత్రి || భావ ప్రాప్తి ||

ఎప్పుడు ఏ క్షణాన కలుగుతుందో
తెలియదు .....
ఆ దివ్య క్షణం కోసం
ఎంతని నిరీక్షించాలో
ఒకోసారి జీవితం చాలదేమో
అందుకే మరో జన్మ
ఎత్తాలేమో...మళ్ళీ
పుట్టి పెరిగి పెద్దై...
ప్రేమకు చెరిగిన హద్దయి
ఆ జన్మాంతపు
ప్రేమ వ్రతం చేసి ...
మరల మరల
వ్రత సాఫల్యం కోసం
కళ్ళు విప్పార్చుకుని
హృదయాన్ని చకోరాన్ని చేసి
మనో దేహాలను
సమర్పించుకుని
ఎదురు చుస్తే...
ఎప్పుడో ఏ దైవిక మైన లిప్తలోనో
కలిగే ఆ భావన
అదే మోక్షం
అదే ముక్తి
అదే ఆత్మకు విముక్తి
నిస్త్రాణమై త్రుటిలో
కాలం స్తంభించిన
ఆ అపురూప క్షణం
కలిగేదే ..... చిరంతనంగా
సకల మునులూ, జనులూ
తపించేది ....తపస్సించేది.
*17-07-2012

కామెంట్‌లు లేవు:

కామెంట్‌ను పోస్ట్ చేయండి