Srinivas Reddy Paaruvella కవిత

అడవింకా ఎండిపోలేదు || పారువెల్ల ఊళ్లు పంచుకున్న దొంగలెలా నవ్వుకున్నా అడవింకా ఎండిపోలేదు. ఆకాశానికి ఆకాశమంత దుఃఖం వాకిట్లో మెరిసే చుక్కల్ని చూసి. అయినా ఆకాశమ్మీద అడవి సంతకం చేస్తూనే వుంది కురిసిన మేఘాలని వెలుతురు కిరణాలని మట్టివేళ్ళు పదిలంగానే దాచుకున్నాయి అందుకే అడవింకా ఎండిపోలేదు బలిసిన రెక్కలతో ఎగిరే గద్దల్ని చూసి తెల్ల పావురాలే అడవికి కానుకనిస్తాయి ఓ ఎర్రని మందారాన్ని . అందుకే అడవి ఎండిపోదంతే అడవికి చిరునామా పూసే మందారాలు మెరిసే నక్షత్రాలు

by Srinivas Reddy Paaruvella



from kavi sangamam*కవి సంగమం*(Poetry ) http://ift.tt/1lAErl1

Posted by Katta