Krishna Mani కవిత

బతుకు గంప ___________________కృష్ణ మణి గడ్డిపోసలమీద నీటి చుక్కలోలె బతుకుగంపనెత్తిన చమట చుక్కలు సదువుసంధ్యల్లేవు కాలరెగరెయ్య కన్నకష్టమే నడుపు నెత్తుటి యంత్రాలను ! పోదుగల్ల లేవంగ బొగ్గునోటికివెట్టి నాలికపాసును గుంజి గంజిమెతుకుల తోడ సద్దిసంకకుబెట్టి తోవ్వనడువును సూడు పంటకాలువలెంట ! కాడికి ఎడ్లను గట్టి నాగలిని జతకుబెట్టి సూరుడెలిగిపొంగ ఒంటి పాటలకూత నీల్లుతాగిన మొక్క పానమైనా సూపు అలసిన పెయ్యికి చెట్టు నీడ దాపు ! పెడ్లాం మురిసేను నిండిన బిడ్డల పొట్టలు ప్రేమఒలికినకాడ చెమట నవ్వే గడప నిండినగాని కడుపు ఎండిన మాటే కష్టమమ్ముడుగాక రొట్టేమీది కారమే ! కృష్ణ మణి I 13-05-2014

by Krishna Mani



from kavi sangamam*కవి సంగమం*(Poetry ) http://ift.tt/SVTETj

Posted by Katta