Chi Chi కవిత

_8_ ప్రాణులన్నై పరుచుకుని కుట్టబడిన తాడేదో ముడులేసుకోకున్నా అసలు తాకినా తాకకున్నా కలయికలో విడిపోని యుద్దాలే కథలన్నీ!! ప్రాణ పాలనలో తరిస్తున్న భూతాల మధ్య దూరమెంతంటే ప్రాణమే!! ప్రాణంతో కలిపి ఆరనుకోవాలి.. ఈ ఆరులేని చోటేదో యోచించే వీలిక్కడ లేదేమో ఉన్నదంతా ఈ ఆరింటికై అన్వేషణే మనమై!! దాటిపోదామనే తలపులో ఏముందో కానీ తలపైతే ఉంది ఆరింటికవతల!! >ఇప్పుడేంటి!! ఎంత పీక్కున్నా ఇంతేనని తెలిసాకే దైవమనే మోసం పుట్టిందేమో ఏమీ లేదనలేక ,లేదనుకోలేక!! అక్కడింకేదో ఉందన్న నమ్మకం లేకపోతే ఇక్కడుండలేమా? నమ్మకమే మోసమని తెలిసాక మోసాన్నేమనగలం? పాపం మోసం!! చేస్కోగలమని తెలియకపోతే మోసముండేది కాదేమో!! అది కూడా ఉంది ఏడో భూతమై ఆరింటికవతలకు మన తలపు దాటిపోకుండా!! >ఇంకేంటి!! ఏడింటెనక్కెల్తే?? ఒరిగేదేముండదు మోసపోకుండా ఉండగలమంతే కానీ మోసం చెయ్యగలం!! చా!! అయినా అంతగా మోసపోటానికి ఇక్కడంత తలకుమాసినోళ్లెవరూ లేర్లే!! అందరూ ఏడింటికవతలే ఉండి మోసం చేస్కుంటున్నారు ముందున్న ఆరింటి మీద ఆశతో.. అంటే మనిషి తలపు ఎనిమిదో భూతమనమాట అంతేనా!! తలపింకా వెనక్కెల్తే ముందుకు రాలేమెహే.. అక్కడున్నదే ఇక్కడంతా..8.. అంతే!!_______(5/5/14)

by Chi Chi



from kavi sangamam*కవి సంగమం*(Poetry ) http://ift.tt/1s8l0le

Posted by Katta