Nvmvarma Kalidindi కవిత

ఒక సందర్బం రెండు కవితలు రెండూ పొస్ట్ చేస్తున్నాను...పెద్దలు ,గురువులు, మిత్రులు తప్పని సరిగా చదివి మీ మీ సూచనలు సలహాలు ఇవ్వగలరు.. కె.ఎన్.వి.ఎం.వర్మ//ఇంటి ముందు// పొద్దున్నే చూస్తే, లోడర్ ఒకటి నాలుగో ఐదో ట్రాక్టర్లు ఇరవై అడుగుల ఇసుక గుట్ట పది అడుగుల ఇసుక గుట్ట ఆరు గుడిసెలు అందరూ హడావుడి పడుతుండగా ఓ ప్రైవేటు సెక్యూరిటీ గార్డు ట్రాక్టరు లోంచి క్లబ్ సాంగు ఇంట్లోకి దుమ్ము వస్తోందని తపులేసేసాను రాత్రి ఫొను వచ్చిందని బయటకు వెళ్ళి మాట్లాడుతుంటే గుడిసెలని చెప్పలేను కానీ వాటి మద్య ఓ గుంపు వచ్చీ పోయే వాహనాల మద్య వినపడలేదు కానీ మధ్య మధ్య ఓ చెమట రాగం చూచాయిగా చప్పట్లు మాత్రం బిగ్గరగా.... హలో హలో తర్వాత మాట్లాడుకుందాం వీళ్ళకి ప్రతీరాత్రీ కవిసంగమమేనంట రాసిందెవరో పాడిందెవరో ముక్యం కాదట పాడుకుంటూనే నిద్రపోతారంట....31.03.2014. ........................................................................... కె.ఎన్.వి.ఎం.వర్మ//సౌందర్యం// లేచిన వెంటనే అలవాటు ప్రకారం కొబ్బరి చెట్టు చుద్దామని వరండాలోకి వెళ్ళాను... చూపులు నేల మళ్ళగానే తాటాకులు, బరకాలు కప్పిన నాలుగైదు ఆవాసాలు ముక్కులదరగొడుతూ పాచి పెంట చుట్ట వాసన అంతస్తులతో పోటీ పడుతున్న ఇసుక గుట్టని ఎత్తి పోస్తూ ఒక లోడరు అరడజను పైగా ట్రాక్టర్లు ఒకటే గోల దుమ్మూధూళి ఇంట్లోకి వస్తుందని తలుపు ఏసేసాను ఎప్పుడీ రోడ్డు పూర్తవుతుందో...ఎంటో... అర్ధరాత్రి ఫొన్ సిగ్నల్ కోసం ఆరుబయటకు వస్తే అడపా దడపా వస్తూ పోతూ ఒకటో రెండో వాహనాలు ఇంటిముందు క్యాంపు లోంచి ఓ ఇంపైన చెమట రాగం కాసేపు; రంగసాకి రంగసాకి బోనా బోనాంకో ఇంతంట్లో ఎంకి వంటి పిల్ల లేదోయి ఎంకినా వంకింక రాదోయి మద్యమద్యలో కేరింతలు చప్పట్లు సెల్ కట్టేసి పడక కుర్చీ వేసుకొని వింటున్నా ఎప్పుడు నిద్ర పట్టేసిందో తెలీదు తెల్లారి లేచి చూస్తే నా ముందొక శ్రమ సౌందర్య వాటిక లేచిన వెంటనే కొబ్బరిచెట్టు చూసే పనిలేదు కొన్నాళ్ళు....08.04.2014. (నిన్న రాత్రి ఆ క్యాంపు కాళీ చేసారు)

by Nvmvarma Kalidindi



from kavi sangamam*కవి సంగమం*(Poetry ) http://ift.tt/1ioXjxS

Posted by Katta