Chand Usman కవిత

చాంద్ || పసి పాదాలు || తెల్లని పూలవంటి లేత పాదాలు ఇప్పటికీ గుండెలపై తిరుగాడుతూవుంటాయి దట్టమైన వేదన నిండిన నా లోపల గదిలో వాటి పసితనం నను వెలిగించే ఒక దీపం తిరిగి వస్తాయేమో అని అవి నడిచి వెళ్ళిన గుర్తులును చెరుపలేదు వాటి అడుగుల సవ్వడిని నా బ్రతుకంతా పాటలా పాడుకున్నాను ఆ పాదాలు కందకుండా నా రక్తాన్ని పూసి పంపించాను దూదివంటి పసి పాదాలు ఎగిరిపొయాక ఇప్పుడు నాకు నేనే బరువైపోయాను నాలో చావని ఆశ ఎదురుచూస్తుంది ఈ సమాధి వద్దకు ఆ అలసిన పాదాలు వస్తాయని మీ చాంద్ || 11.04.2014 ||

by Chand Usman



from kavi sangamam*కవి సంగమం*(Poetry ) http://ift.tt/1kz1luB

Posted by Katta