యం. శ్రీవల్లి కవిత

ll ఏమో మరి ..నా ప్రేమll యం.శ్రీవల్లి. 04/04/2014. కాదనలేని సత్యమో.. ఔననలేని అహంభావమో... అంతులేని మోహమో... మోయలేని విరహమో... ఏమో మరి..నా ప్రేమ. మాటరాని మౌనమో.... అలవికాని అనురాగమో.... గుండెలో ఇముడ్చుకోలేని ప్రేమో... వ్యక్తపరచలేని భావమో... ఏమో మరి నా ప్రేమ. అక్షరాల్లో కూర్చలేని కావ్యమో... బంధనాలు దాటలేని దాస్యమో... అర్ధంకాని తత్వమో... నువ్వే కావాలనుకునే మొండితనమో.. ఏమో మరి నా ప్రేమ. సందేహాల నడుమ ప్రశ్నగా నా ప్రేమ.. వదులుకోలేని బంధమై నాప్రేమ... ఒంటరిదైనా ...నీతలపుల ఊపిరితో.. అమరమే నా ప్రేమ.

by యం. శ్రీవల్లి



from kavi sangamam*కవి సంగమం*(Poetry ) http://ift.tt/1q2EsPq

Posted by Katta