Thilak Bommaraju కవిత

తిలక్/ఫ్రేమ --------------------­-------- నేను నీలో కరగడం నేనంటూ లేకుండా నీవు నాలో మిళితమవడం నువ్వంటూ మిగలకుండా ఇసుకరేణువుల కలయికలాగా రెండు పాల పిట్టలు రమించినంత స్వచ్చంగా నేను నీలో అంతమవుతూ ప్రతిక్షణం నీవు నాలో పాతుకుపోతూ అనుక్షణం చెట్టు మొదలులాగా రెండు శరీరాలు ఒకే ఆత్మగా పరివర్తన చెందడం ఒకేలా అంటుకట్టడం కనుల కొమ్మల్లో ఒకే బాధ,ఒకే సంతోషం కాసిని చిరునవ్వులు నీటిలాగా మనసులు కురిసే పొగమంచంత తేలిగా కలిసిపోవడం కొన్ని నిరీక్షణలు కొన్ని నిర్వేధాలు మరిన్ని ఆలోచనలు ఇంకొన్ని జ్ఞాపకాలు ప్రతీ దినం సమర్పణం నిరంతరం నీరాజనం ఒకరికై ఒకరు. తిలక్ బొమ్మరాజు 28.02.14

by Thilak Bommaraju



from kavi sangamam*కవి సంగమం*(Poetry ) http://ift.tt/1ocNHJO

Posted by Katta