పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

27, జులై 2012, శుక్రవారం

స్వాతి శ్రీపాద || సమాగమం ||

ఇద్దరిమధ్య ఒక ఉలిపిరి ఊపిరి అడ్డుగోడ
అటో ప్రపంచం ఇటో ప్రపంచం
కనుచూపు మేరా మసక దృశ్యాల తెర వెనక
ఇనుప తెరలా ఒక పల్చని స్పటికపుగోడ
మౌనానికి మాటలు నేర్పే తాపత్రయం ఒకరిది
మాటలకు మనమద్దే వేదన మరొకరిది
ఉండీ లేదనిపించే మధురోహల ప్రపంచం ఒకరు
ఎదుటుండీ ఎడబాటు తప్పని కన్నీటి సముద్రం ఒకరు
ఆకులు రాలిన శిశిరపు వృక్షం ఒకరు
చిగుళ్ళుతొడిగే వసంతపు తొలి చూపు మరొకరు
సమాంతరంగా సాగే ఈ ప్రయాణం కలయిక
ఏ యుగాంతానికి?
*26-07-2012

కామెంట్‌లు లేవు:

కామెంట్‌ను పోస్ట్ చేయండి