కోడూరి విజయకుమార్ కవిత

వర్కింగ్ ఉమన్ // దర్భశయనం శ్రీనివాసాచార్య కవిత // ఇల్లూ ఆఫీసూ నడుమ ప్రయాణం ఆమె ఏ ఒక చివర చేరినా మరో చివరకు ప్రయాణం మొదలు మనసులోనే పాదం నడక మొదలయే ముందే రోజూ యిలా - ఎపుడూ ఒక పరుగు మనసుకూ తనువుకూ - ఇంట్లో లేచింది మొదలు ఆఫీసు ఆరంభ సమయం ముల్లులా గుచ్చుకుంటుంది క్షణం సేపూ నిలవనీక - ఎపుడూ ఒక ఒత్తిడి దారి చివర్లోనూ దారి లోనూ - ఇంట్లో పిల్లల నిరీక్షణ ఆఫీసు గడియారంలో ముళ్ళను నెడుతూ వుంటుంది ఆమెను మనసుతో కూర్చోనీక - అక్కడి పనులూ ఇక్కడి పనులూ ఆమెలో ఖాళీ లేదు ఆమెకై ! గాయాలన్నీ బయల్పడవు కొన్ని ఆమెలోనే నిల్చిపోతాయి భావాలన్నీ మాటలు కావు కొన్ని ఆమెలోనే కరిగి పోతాయి బాధ్యతా అవసరమూ నడుమ అవిశ్రాంత కెరటం ఆమె - - రచనా కాలం 23 ఏప్రిల్ 1994 ('ముఖాముఖం ' సంకలనం )

by కోడూరి విజయకుమార్



from kavi sangamam*కవి సంగమం*(Poetry ) http://ift.tt/1qpwWRc

Posted by Katta