Sasi Bala కవిత

స్వప్నం ...వింత లోకం ..........శశిబాల ---------------------------------------------------- మనసు శరీరం అలసి నిదురించినప్పుడు మన ఆత్మ నిదురలోచూస్తుంది .. మునుపెరుగని లోకాలెన్నో ... వింత వింత అనుభూతులు ఎన్నో ఎన్నడు చూడని తావులు .. ఎప్పుడు చూడని మనుషులు వింత వింత అనుభవాలు ... విచిత్ర సంబంధాలు భువి దిగిన స్వర్గాలు ... దరిచేరే నూతన వ్యక్తులు ఎవరో ...ఏమో ...ఎక్కడో ..ఎప్పుడో ఏమిటీ పరిస్థితి ....భ్రమలో వుండే స్థితి ఎవరు వారు ..? ఎచటి వారు ..? ఎక్కడవీ ఆ ప్రాంతాలు ... ఎప్పటివీ ఆ పరిస్థితులు ... ఏడిపిస్తాయి ..నవ్విస్తాయి ... భయపెడతాయి ...ఓదారుస్తాయి ఒక్కొక్కసారి నిజమేమో అని భ్రమ కాదు కలేగా అన్న వాస్తవం పల్లకిలో వూరేగినట్లు .. వరదల్లో మునిగినట్లు .. ఏదేదో వింత భావనలు ... ఎదలోతుల తెలియని ప్రకంపనలు ఏమిటీ విచిత్రం ..... గత జన్మపు స్మృతి విలాసమా ఈడేరని కోర్కెల సమహారమా ...ఏమో ఇది ఏమో వాస్తవం కాని స్వప్నం ... స్వప్నమని తెలిపే నిజం .. . 28APRIL14

by Sasi Bala



from kavi sangamam*కవి సంగమం*(Poetry ) http://ift.tt/1isF8qx

Posted by Katta