Sasi Sri కవిత

రాళ్ళబండి శశిశ్రీ // ఫోర్త్ డైమెన్షన్ // అక్షాంశాలు, రేఖాంశాలు సమాంతరంగానే ఉన్నాయి. నీ ఉనికిని ఉజ్జాయింపుగా చెప్పడానికి, కాలం కచ్చితంగా నడుస్తుందనడానికి. మారను అంటే వచ్చే నష్టమేమీ లేదు, నీ వ్యక్తిత్వ కొలమానంలో ఫోర్త్ డైమెన్షన్ మిస్సవడం తప్ప. భూమి గుండ్రంగా ఉందనేది సత్యం, కానీ మూడొందల అరవై డిగ్రీలు తిరిగేలోపే, జీవిత ప్రకంపనలు భూమి పొరల్లో మరుగున పడిపోతున్నాయి. ఫలితాన్ని నిర్ధారించడానికి, మరికొన్ని నిర్వచనాలు వ్యక్తీకరించడానికి ఎవ్వరం మిగలం. అన్ని ప్రశ్నల్నీ ఇక్కడే వదిలేసి నిశ్శేషమైపోతున్నాం. 11. 2. 2014

by Sasi Sri



from kavi sangamam*కవి సంగమం*(Poetry ) http://ift.tt/NwHUnD

Posted by Katta