Santosh Kumar K కవిత

|| ఎండుటాకులు || దిక్కు తోచక.. దారి తెలియక దయచూపే నాధుడే లేనపుడు దేహి అని అర్ధించకు..!! దయాగుణం దేవుడెరుగు.. దేహాన్ని దోచుకుపోతున్న దానవుల సామ్రజ్యం ఇది...!! ఆహ్లాదం కనుమరుగాయేను వర్షానికి బదులు ఆమ్లాలు కురుస్తున్న తరుణంలో.. తోడులేని ప్రయాణము అసాధ్యమాయెను.. తిరిగొచ్చే మార్గమంతా తోడేల్ల మందలతో నిండిపోగా.. దుర్మార్గుల దుస్సహసాల దారుల్లో తెగిపడిన అమాయకపు అవనుల గొంతులు ఎన్నో...!! నిజమని వేడుకున్నా.. అరాచకమని అరిచినా.. వినపడదు.. కనపడదు.. భయపెడుతున్న భవిష్యత్ చీకట్లలో కళ్ళులేని న్యాయదేవతకు!! నింగికెగిసెను... అంతరించిపోయెను.. ఆశలు కావవి.. ఆవిర్లు కావవి.. ప్రాణాలు కావవి...! ప్రతి ఆడకూతురి అడియాశల కలయికలో ఆవిరైన ఉత్సాహాలు రెక్కలు లేని పక్షుల్లా బధపడుతుంటే చూసి.. నవ్వి.. హేలన చేసి పట్టుకోలేనంత పైకెగిరిపోయెను వాస్తవ సమాజంలో కనికారం చూపే మనసులు.. అవి కలిగిన మనుషులు.!! కోరిక కోరితే కోపాలు తలెత్తి చూస్తే ఛీవాట్లు నలుగురిలో నవ్వితే నవ్వులపాలు మాటలొస్తున్నా మాటాడలేని మౌనాలు ఒకటా రెండా.. ఇంతి పడే ఇక్కట్లు గోడుచెప్పని జీవమెరుగని ఎండుటాకులు!! #సంతోషహేలి #Sanoetics 22FEB2014

by Santosh Kumar K



from kavi sangamam*కవి సంగమం*(Poetry ) http://ift.tt/1jnmDaN

Posted by Katta