Ravela Purushothama Rao కవిత

ఊరేగింపు రావెల పురుషోత్తమ రావు ************************** ఉప్పెనేదో వొచ్చి ఊరివెంటబడి ఒక్క బిగిన పల్లెనంతా ముంచేసింది పచ్చని పల్లె కూ ప్రభుత్వానికీ మధ్య గత్తరలా పుట్టుకొచ్చి పంట విరామం నిర్ణయం అగ్నిధారలా స్రవిస్తున్నది గిట్టుబాటుధర రాని టమాటా పంటంతా రోడ్డుమీదకొచ్చి రభస చేసింది దాని ధర అమాంతంగా ఆకాశాన్నెలాచేరిందో కాయదు దారినడగమని పీకల వాగు పిలిచిమరీ చెపుతున్నది. నీటివసతి సరిగ్గా అందక కన్నీటితో సాగెలా చేయాలో అర్ధంగాని రైతాంగం అవస్థలకు చిరునామాగా మిగిలింది. అబ్బాయి చదువు అమ్మయి పెళ్ళీ రెండూ విడివడని చిక్కు ముడులై తంద్రికి ఊపిరందకుండా ఉక్కిరి బిక్కిరి చేస్తున్నాయి. రేపు దినం తెల్లవారురుందొ లేదొ తెలియక పల్లె పల్లెంతా నిద్రపట్టకుండా పీడకలల సఁరం భంతో సతమతమై పోతున్నది. 09-02-2004 ***********************************

by Ravela Purushothama Rao



from kavi sangamam*కవి సంగమం*(Poetry ) http://ift.tt/1iO9iqZ

Posted by Katta