బాలు||ఎర్రటి మెతుకులు||

డేరాలు
రోడ్డుప్రక్కన డేరాలు
ఎర్రరంగు,బులుగు రంగు డేరాలు
గట్టిగా బిగించిన తాళ్ళు
లోతుగా నాటిన కడ్డీలు

పిల్లలు కోడిలా
ఓ తల్లి
బండరాతిమీద
సారా గుటకాలు వేస్తూ
కోడిపుంజు

చీకటి అలుముకున్న రాత్రి
వీదిదీపాల వెలుగులు
కొద్ది కొద్దిగా
డేరాలో జొరబడి
చీకటి మీద యుద్దం చేస్తున్నాయ్
కానీ గెలవడం లేదు

చలికాలం
చల్లటిగాలి
రివ్వురివ్వున
తాండవం చేస్తుంది

పున్నమిరాత్రి
పుట్టెడు దుఖంతో
గొడ్డుకారం
కలిపిన నూకలబువ్వ
ఆ పిల్లల కోడి
తన పిల్లలకు
ఎర్రటి మెతుకులు తినిపిస్తుంది

బాలు*07-09-2012*