పుస్తకం లోని అక్షరాలు
ఏదో ఒక భంగిమలో
నర్తిస్తూనే వుంటాయి
పుస్తకానికి నారెండు కళ్ళు
అతికించినప్పుడు అక్షరాలన్ని
వింత వింత ఆసనాలతో
యోగాచేసినట్టు,
నాజూకు కొమ్మలు జిమ్నాస్టిక్
చేసినట్టు వుంటుంది
పరమాణువులు
అణువులై,పదార్థమై నట్లు
అక్షరాలు పదాలై, వాక్యాలై
రసభావ పదార్థాలైతాయి
పరమాణువు విస్పోటనం
అక్షరం మహావిస్పోటనం
అక్షరాలన్ని అద్భుతాలె
ఒక్కటెదో అత్యద్భుతంగ
నాకు అంతర్నేత్రాన్నిస్తుంది
తాను మాత్రం రూపాంతరం
చెందకుండ అన్నింటికి
రూపాన్నిస్తూ విలాసంగ
విన్యాసం చెస్తుంది
03/09/2012
కామెంట్‌లు లేవు:
కామెంట్‌ను పోస్ట్ చేయండి