నరేష్ కుమార్//ఓ పుండువి//

ఇంకెం జెత్తవ్
కొడుకా...!
పత్థర్ కేశి కొట్టి
పగల గొట్టుకో
నీ గళాన్ని

ఎలుగెత్తి ఎం ఒర్రుతానవ్రా....!?
పగిలిపోయిన ఆవాజ్ అతికించాలని....

నీ స్వర పేటిక
నిండా
అమెరికోని
అక్రమ సంతానం గాడు
క్విక్ ఫిక్స్
నింపినంక,
నీ కొండనాలుక
కబ్జా జేసిండెవడో.....

అరవై ఏండ్లు
నిన్ను నలిపినోడెవడో.....
నిన్నే
నీ బందూకు
గొట్టపు గొంతుకడ్డం నూకిండు.....

నీ అమ్మ పాలిప్పుడు
నీవికాదు....
తమ్ముని మాస్కేస్కొని
ఎవడో పిండుకొని
అంతర్జాతీయ
దుకాన్ల
అమ్మేస్తుండు
ఆపుకొలేని
నీ మంచితనం
అనే
చేతగాని తనాన్ని
పెదవుల్లో
నవ్వు లా
నమిలి
నీ మీదే
ఉమ్మేస్తుండు......

నీ ఉద్యమం
టీ.ఆర్.పీ.రేటింగ్ కి
కొలమానమిప్పుడు..

నీ ఫాల్తూ మాటలాపి
జర్ర
ఒకసారి
చెయ్యి.లేపు
చేతగాదా.....!?

ఆని కాళ్ళు మొక్కు
నీభాషని
హాస్యం చేసి,
నీ సంస్కృతిని
అపహాస్యం చేసి,
నీ ఆత్మ గౌరవానికి
బట్టలిప్పి
ఆడు నవ్వుతుంటే
ఎనకా ముందట
మూస్కో
ఎందుకంటే.....!
రక్తం మరగని
చీము
నిండిన
పుండువి నువ్వుభా
సంకెళ్ళు తెంపుకోని
నీకు.....
ఇంతకంటే
మంచి పోలిక
ఇంకెవడిస్తడు........