పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

8, ఆగస్టు 2012, బుధవారం

వంశీదర్ రెడ్డి || * ఫోర్త్ డైమెన్షన్ * ||

ప్లాస్టిక్ ప్రపంచం పళ్ళికిలిస్తోంది
నిజమేనా, నిగూఢమా,
కాంపస్లో అర్ధమవని మెటీరియలిసమ్
కాళ్ళు బైటపెట్టాకే కళ్ళు పొడుస్తూ,
రేపు మీదెన్నో ఆశలు పెట్టుకుంటే
గడియారం నిమిషానికరవై కత్తులు
దింపి రక్తం తాగుతూ,

అవసరానికి చేయందించాల్సిన చదువు
చేతులెత్తి కర్ణుని డెత్ ఆనివర్సరీ రిమైండ్ చేస్తూ,
ధర్మార్ధ కామాల్లో,తోడుంటానన్న వారు
"అర్ధ"మే ప్రధానమని
అర్ధమవని లోయల్లో నెట్టేసి పోతూ,
గున్నమావి గూటి స్నేహాలు
ఏ దోస్తీ హమ్ నహీ చోడేంగేలు,
ప్రాణం మీద కొచ్చినపుడే గుర్తొస్తూ,

నెత్తి మీద రూపాయి పెడ్తే
ఎంతకమ్ముడౌతాడనారాల్తీసే బంధువులు,
నెత్తి పగిల్చస్తే మనకెంత
మిగుల్తుందనాలోచించే పేగు తెంచుకున్న జీవాలు,

ఇక్కడింకా కృత్రిమం
కానిదేదైనా ఉందంటే అది
కృత్రిమత్వమేనేమో,
కాదంటారా,
అదిగో, మళ్ళీ,
-ప్లాస్టిక్ నవ్వుతో మీరే,
06-08-2012

కామెంట్‌లు లేవు:

కామెంట్‌ను పోస్ట్ చేయండి