కిరణ్. గాలి || U 2 BRUTUS ||

ఒంటరి తనపు మౌనాన్ని 
ఊపిరి తిత్తుల నిండా బలంగా పీల్చుకొని 
బాధల సుడులను బయటకు వదులుతుంటే 
వ్యర్ధంగా రాలిపోతుంది వర్తమానం
ఏష్ట్రేలో బూడిదల

నాలో ఈ అలవాటుకి
సమాజం చూపే కారణం
అనాలోచితమో, అవివేకమో,
అమాయకత్వామో, అహంకరమో
ఆత్మన్యూనత అభద్రతా భావాల డిఫెన్స్ మెకానిజమో
నాకనవసరం

నికోటిన్ నిషానీ తలకెక్కించి
నిస్తేజత స్థానంలో నిర్లక్షాన్ని నింపి
నరాలని స్టిములేట్ చేసి నాడులని వైబ్రేట్ చేసి
గతం గాయాలకు సెల్ఫ్ పిటీ బామ్ ని
అద్ది ఒదార్చెది వ్యసనమైనా
దానికి బానిస నవ్వడం
నాకు సమ్మతమే

పొగ.............
నల్లటి దట్టమైన పొగ
సుడులు తిరుగుతూ పైకి ఎగురు తుంది
...అచ్చం నా ప్రియురాలి కురుల ముంగురులలా

పెదవుల మధ్య మెత్తటి ఫిల్టర్ దూది
తన లేత నుగారు బుగ్గల్లా
(స్టుపిడ్ సిమిలారిటి అనుకుంట)

అటు చివర వెలిగే నిప్పు కణిక
తన ఆధరాలలా ఎర్రగా మెరుస్తుంటే
అందుకోవాలనే ఆతృతతో
బలంగా పీలుస్తున్నాను

వేడి పొగ గుండెల్లో చేరుతుంటే
వెచ్ఛటి తన కౌగిలి అనుభవానికి వస్తుంది
ఆఖరి ధమ్ము వరకు అదే అనుభూతి
తానిచ్చిన తొలి ముద్దు తాలూకు తిమ్మిరి
వళ్ళంతా పాకు తున్న్నట్టు
మత్తుగా గమ్మతుగా

హటాత్తుగ కళ్ళ ముందు
వెరిసిన వాస్తవికత

పొగ.........
నల్లటి దట్టమైన పొగ

కాన్సర్ కత్తిని కస్సున గుండెల్లో గుచ్చింది
ఆచ్చం వెన్ను పోటు పొడిచిన
నా ప్రియరాలిలా
--------------------------------------------------------------------- 





స్ట్యాచుటరీ వార్నింగ్: ప్రేమించడం మగవాడి మనసుకి ఎంతైనా హానికరం


* 07-07-2012