పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

8, జులై 2012, ఆదివారం

జిలుకర శ్రీనివాస్ ॥ లిపి ॥

కూలిన హరప్పా గోడల మీద మా పూర్వీకులు రాసిన రాతల సాక్షిగా 
ఈ దేశ మట్టి మా నెత్తుటి వారసత్వం
నేల పొరల్లో దొరికిన బొమికిల సాక్షిగా మీరు హంతకులన్నది నిజం
మీ గండ్ర గొడ్డళ్ళకు మా తాతల తాతమ్మల నల్లని బంగారు మెడలు ఎన్ని తెగాయో 
మా తాత ఫూలే లెక్కగట్టాడు వాటికి బదులు చెప్పక వొదులం లే!

కరుణను సమస్త జ్ఞానాన్ని బోధించి ఈ భూమిని మనిషిని సుందరంగా మార్చిన
మా తాత బోధిసత్వున్ని బువ్వలో విషం కలిపి కడతేర్చారు
మీ అబద్దపు తత్వాన్ని నిలదీసినందుకు మా చార్వాకుల సజీవంగా పునాదుల్లో పూడ్చేశారు
సత్యం వెలుగులో బుద్ధ రాజ్యం నిర్మించిన మా బ్రుహద్ర మౌర్య చక్రవర్తిని మీ కుట్రల ఖడ్గానికి ఉత్తరించి రాజ్యం దొంగిలించారు
చినా బుద్ధ రుషితో చర్చల సాగరంలో గెలవలేక మా తాత హర్షున్ని చాటుగా
చంపాలని చూశారు
తెగిన కంఠాల మీద ప్రమాణం చరిత్ర మీ నెత్తుటి దాహానికి సమాధానం చెప్తది

శివాజి మహారజ్ కు విషమిచ్చి చంపాము కదా వీళ్ళెం చేస్తారనుకుంటున్నరా
శంబాజిని చంపి రాజ్యం మీ కాళ్ళ కిందికి తీసుకున్నట్టు అనుకుంటున్నరా
సాహు మహరాజ్ ను చంపేందుకు బాంబులు పేర్చినట్టు అనుకుంటున్నారా
అంబేద్కర్ ను హతమారినట్టు అనుకుంటునారేమో ఆర్య పుత్రులారా!
నెత్తురోడిన మా తల్లి నేల సాక్షిగా ఇక్కడే మా రాజ్యం నిర్మించికుంటాం
హరప్పా గోడల మీది లిపిని ప్రతి గుండె శిఖరం మీద లిఖిస్తాం!



* 08-07-2012

కామెంట్‌లు లేవు:

కామెంట్‌ను పోస్ట్ చేయండి