వందల మాటలు దొర్లుతాయి
ఒక్క సందేహమూ తీరదు
వెయ్యిన్నొక్క ఎపిసోడ్ లోనూ
ఎక్కడ వేసిన గొంగడి అక్కడే ఉంటుంది
సుదీర్ఘ మేధోమథనం తర్వాతా
పరిష్కారం ప్రశ్నార్థకమే
రాత్రి రాజీ తెల్లవారితే మాయం
ఏ శస్త్ర చికిత్సతోనూ మానని గాయం
నిన్ను నువ్వు పునర్ నిర్వచించుకుంటే తప్ప
నిన్ను నువ్వు కొత్తగా నిర్మించుకుంటే తప్ప
సమస్య తెగదు
తెగిపడ్డ జీవితం ముక్క
నీ వంక ప్రేమగా చూడదు!
*10.7.2012
కామెంట్లు లేవు:
కామెంట్ను పోస్ట్ చేయండి